Debereida te na grupa van te na sala plëina de ndevins y prova ai ressolver, chier sënies dlonch ncantëur y prova a mené te snoles o aparac. Ce mistere saral pa dovia?
TI LA FAJËIS'A TE 60 MENUC?
Te uni majera zità n abinen bele, sën nce da nëus te Gherdëina!
LA NDESFIDEDA DURA 60 MENUC
L tëmp passa ntan che purvëis a ressolver duc i ndevins ntëur a vo.
Sarëis’a asvelc assé?
ABINÉ NDIZIES Y RESSOLVER NDEVINS
Śaradures, tleves, paroles y numri scundui, lums y poms! Abinëde la soluzion var per var.
Uderëis’a ora dut cant?
LA VA DE MËTER ADUM LA FORZES
Laurëde adum! Arëis debujën dla ideies, logica y criatività de uniun de vo per ruvé nchin ala fin! Ratëis’a de vester boni?
Outdoor Escape Game 1-5 pers.
SUN LA PIEDIES DLA FERATA DE GHERDËINA
LIVE ESCAPE ROOMS
Per apusté n Escape LAST MINUTE cherdëdenes prëibel su al 338 377 1865
Escape Room 2-7 pers.
LA FERATA DE GHERDËINA
Son tl ann 1916: Vo sëis prijunieres rusc y sëis tl lëur de fé na ferata che dëssa purté material y maiadives ala front Austro-ungarica bel tamez ala Prima Viera Mundiela. La ferata ie tan che fineda ma vo n ëis assé de chësta vita da cian.
Coche per miracul audiëis n di rujenan de n plann per mucé se nuzan dla trassa dla ferata nstëssa. Semea che n cumpani rus sibe stat bon de fé vel mudazions ala locomotif, a na maniera che n ie boni dla fé pië via.
Ma chi ie pa chësta persona? Iela pa for mo viva? Y ulà sarà pa mei i planns?
Escape Room 4-8 mutons
LA FERATA DE GHERDËINA
Chësc Escape Room possa nce unì jugà coche varianta per mutons da 10 a 14 ani. Na atività scialdi adateda per na festa de cumplì di ani o per autra festes cun familia o cumpanies. Medema sala, medem devertimënt, ndevins mpue scemplifichei…
Chirede ora “varianta per mutons” tl calënder.
Escape Room 2-6 pers.
THE BISMUTH OPERATION
L bismut ie bele da for n mitel misteriëus. I Inkas laurova da fier limpea fajan lames d’uni sort, i alchemisć fova nveze ruvei sëura che l ova cualiteies ntrigantes.
Ma si vëira forzes fova for restedes scundudes, nchin che n di ova n scienziat abinà ora co vester bon dl mëter te na cundizion nia determineda.
Chësta scuvierta à descedà l nteres de truepa putënzes mondieles. Nsci se n ie l scienziat mucià, se sentian manacià y n pericul, scundan mo drët bën l sëul cristal de bismut stramudà.
Ulà sara pa mei chësc cristal? Ma chësta ie povester la fauza dumanda per la resposta che ulon giapé… Purvede adum a abiné l cristal perdù y purtedel te de bona mans.
Escape Room 2 pers.
LA CIOTA DL GIAGUAR
L prim Escape Room me per 2 persones tla Talia!
Tikal, 375 d.C.: Vo levëis te doi majons scures dl tëmpl dl giaguar dl rë Maya Chak Tok Ich’akk I (gran ciota dl giaguar). I salamënc strënc ie plëines de ndevins riei da ressolver. Ti cialan ve toma ite la vedla lijëndes ntëur ala ciota dl giaguar y si 5 giuei. Ëis la sensazion che sarëis permò boni de udëi l ciel sce sëis boni de ti vester a si sucrëc. Ma spazëve, l rë ie cunesciù per si despazienza…
cassa misteriëusa "DëBox"
LA PUZION DLA SAPIENZA
dëBox – l Escape Room da fé a cësa…
Purvëde ora chësta esperienza ve purtan n Escape Room da vo a cësa! Sarëis’a boni de ruvé pra la puzion dla sapienza?
…ve tulan l tëmp che vo ulëis …
Tulëve la dl’aurela che ulëis y lascëve tré pea da chësta cassa misteriëusa. Pudëis ve la tenì nfin a 24 h.
…pudëis vester nchin a 6 jugadëures…
Nëus ve cunsion de vester danter 2 y 6 persones, acioche l garate n bel lauré adum!
Ne aspitëde mé nia massa giut, scenò abina mo zachei d’autri i ngredienc dla puzion dan vo!
Per plù nfurmazions y per apusté: +39 338 377 1865
mëisa misteriëusa
"DER MAGISCHE RÄTSELTISCH"
Mpresteve ora la mëisa per un n di y descuvride na aventura dl dut nueva! Sareisa boni de ti vester al mistere dla mëisa misteriëusa? Abinëde duta la pertes scundudes dla mëisa y ressolvede duc i ndevins…
Sce ulessais mpresté la mëisa per n cumplì di ani o nchinamei per na proposta de matrimone mpue speziela, fajedenes al savëi, povester se lascia vel pitla scincunda nascuender tl ultim tatl?
La mëisa possa me unì jugheda per tudësch
“Von seiner letzten Expedition brachte Professor Magnus diesen mysteriösen Tisch mit. Leider verstarb der Professor kurz nach seiner Rückkehr und der Tisch geriet in Vergessenheit. Bei Aufräumarbeiten wurde er wieder entdeckt, aber bisher ist es niemandem gelungen, die Rätsel darin komplett zu lösen und das innerste Fach zu öffnen.”
FAQ
Respostes a dumandes che n pudëssa avëi...
Chi possa pa fé pea?
Pudëis fé n tel juech danter cumpanies, cun vosta famila o nce cun vosc cumpanies de lëur o cumëmbri de vosta lia.
Mutons y mutans sot a 14 ani muessa unì acumpaniei da n grant.
La varianta per mutons possa uni jugheda da grupes de mutons (età 10-14 ani). Na persona adulta dassëssa for aspité tla reception.
Ciuldi dassëssi pa fé n Escape Room?
Ve piton na esperienza coche mo mei vivuda te na grupa. Avrëis ucajion de purvé ora vosta cunzentrazion, usservazion, de vester boni de abine soluzions y to dezijions cun vosc team – y dut chësc sarà n devertimënt.
Iel pa da paië danora?
Per apusté n’ ëura de juech posses crì ora danter i tiermuli che ie mo liedi sot a “Aposta śën”. L paiamënt sara da fé ilo sul post cun scioldi ala man (scencajo iel n bancomat daujin).
Danora iel mé da paië sce te compres n Bon che possa unì lujà ite canche mei.
Co possi pa scancelé o mudé mi apusteda?
Te posses l fé scrijan na email a info@escapevalgardena.com o cherdan su l numer 338 377 1865. Mudamënc possa mé unì fac almanco 6 ëura dan l juech.
Ti apusteda sarà permò scanceleda canche zachei dl team te ara respundù.
Iel pa rie?
On pensà tres nosta sales a na maniera da vester boni de les ressolver te mascimo 60 menuc.
L ne ie debujën de deguna cunescënzes n particuler, Sce te mëtes mpue averda a dut y pënses mpue do cun logica pona ies bele apost.
La varianta per mutons ie scemplificheda y atadeta ai mutons de chëla età.
Iel pa da se furnì a na cërta maniera?
No. Ma cunsion de ne tò pea tan de cosses persuneles y n furnimënt da sté saurì per se muever miec ncantëur tla sala.
Iesen pa for al segur ntan l juech?
Sci, ne sarëis mei n pericul, te degun mumënt.
On nce n sistem video per garantì na miëura segurëza te uni sala.
Sce ulëis o sce un uel, possel te uni mumënt tò la dezijion de unì ora o de lascé vëis.
PRIEJES DLA SALES
7 JUGADËURES
20€ per persona
6 JUGADËURES
22€ per persona
5 JUGADËURES
25€ per persona
4 JUGADËURES
28€ per persona
3 JUGADËURES
32€ per persona
2 JUGADËURES
37€ per persona
PRIEJ DL OUTDOOR ESCAPE
1-5 JUGADËURES
55 Euro
PRIEJ DLA CASSA / MËISA
2-6 JUGADËURES
dajëdeti vo l valor che ulëis danter 60 y 90 Euro
COMPRA N BON
Féti na surpreja a zachei y scincheti n bon...
...per nosta SALES...
...o per l OUTDOOR Escape Room!
{bookeo:type=42557R6NNHT18FE2D1EC23}
CUNTAT
Cuntateienes per uni pitla melsegurëza o dumanda!
Plan da Tieja 19
39048 Selva Val Gardena
+39 338 377 1865
info[at]escapevalgardena.com
